თიკა ჯამბურია: „ვიპოვე ის, რაც აქამდე მაკლდა“

ექსპერიმენტებს იმდენად ხშირად ვატარებ, თმა გავინადგურე. რა ფერის თმა აღარ მქონია. სტილისტს არასდროს ვუჯერებ, რადგან ხშირ შემთხვევაში ექსპერიმენტზე უარს მეუბნებიან, თმა დაგეწვებაო, მაგრამ მაინც იმას ვაკეთებ, რაც მინდა.

როგორ დავივარცხნი, ამას ყოველთვის თავად ვირჩევ, მაგრამ ამ შემთხვევაში ალექსანდრეს გადაწყვეტილებას ვენდობი. 

ბევრი ექსპერიმენტის მიუხედავად, თიკას თმა არ გაფუჭებია, მაგრამ ბოლოებში გამომშრალი ნამდვილად აქვს. განსხვავებულ ვარცხნილობას გავუკეთებ. თმას გადავუწევ, რადგან ვფიქრობ, სახის გამოჩენა ძალიან უხდება, - აღნიშნა ალექსანდრემ მუშაობის დაწყებისას.

ვარცხნილობის კეთება დასასრულს მიუახლოვდა.

საკუთარ თავზე ასეთ ვარცხნილობას პირველად ვხედავ, რაც ძალიან მომწონს, საღამოს კონცერტი მაქვს და გამიმართლა. კიდევ უფრო ლამაზი ვიქნები.

ამ ეტაპზე მაკიაჟს ყოველდღე ვიკეთებ, რადგან ჩუტყვავილასგან სახეზე ცოტა ნაიარევი დამრჩა და ვცდილობ, დავფარო. ისე სოლარიუმის ხშირი სტუმარი გახლავართ. როცა გარუჯული ვარ, მსუბუქ მაკიაჟს ვატარებ - მხოლოდ თვალის ფანქარსა და ტუჩსაცხს.

მკვეთრი მაკიაჟიც მიყვარს, თუმცა - მხოლოდ გადაღებებზე.

ხშირ შემთხვევაში არც ვიზაჟისტს ვენდობი, მაგრამ დღეს ისეთ ხასიათზე ვარ, თამარმა გადაწყვიტოს, როგორ მაკიაჟს გამიკეთებს.

თიკას თვალზე მკვეთრი მაკიაჟი მოუხდება, - თამამად მიიღო გადაწყვეტილება თამარმა.

ძალიან ლამაზი ვარ! სწორად მოვიქეცი, ვიზაჟისტსაც და სტილისტსაც ბოლომდე რომ მივენდე. ახლა ვფიქრობ, კონცერტზე რა ჩავიცვა, რომ  მთლიანობაში კიდევ უფრო კარგად გამოვიყურებოდე.

თიკამ „Funtime“-ის მკითხველისთვის სიახლეებზეც ისაუბრა: „სულ რამდენიმე კვირაა, რაც საკუთარი ბენდი მყავს, სახელწოდებით „ლაბორატორია“. ბენდთან მუშაობა ყველაზე მაგარი რამაა. მგონი, ვიპოვე ის, რაც აქამდე მაკლდა. პარალელურად საკუთარ სიმღერებზეც ვმუშაობ“.