წყალქვეშა სამყარო და არავითარი ფოტოშოპი!

გოგონა დაივინგის ინსტრუქტორია, მაგრამ ოსტატურად ათავსებს ფოტოგრაფობას სამსახურთან.

თავის პარტნიორ გაბრიელ გუზმანთან (Gabriel Guzman) ერთად შენონი ზღვის ბინადართა უნიკალურ ფოტოებს იღებს.

ფოტოებზე შენონი თევზებთან ერთად პოზირებს - ნაპოლეონთან, გიგანტურ მურენასთან, კუსთან და ზვიგენთანაც კი.

თავისი ფოტოებით გოგონას სურს, ყველას აჩვენოს, რამდენად მშვენიერია წყალქვეშა სამყარო.

გარდა ამისა, შენონი იმედოვნებს, რომ მისი სამუშაოს წყალობით ადამიანები დააფასებენ ოკეანეებს და პატივისცემით მოეპყრობიან მის ბინადრებს.

თავად შენონი უზომოდაა შეყვარებული ზღვაზე და ბედის კმაყოფილია, რომ შესაძლებლობა მიეცა, უფრო მეტი დრო წყალქვეშ გაატაროს, ვიდრე ხმელეთზე.

გოგონა დაივინგს უკვე 10 წელია მისდევს, მაგრამ ყოველი ჩაყვითვისას ისეთივე ბედნიერია, როგორც პირველად.

ზღვაში, გაბრიელთან და ფოტოკამერასთან ერთად, უბედნიერესი ვარ, - აღიარებს შენონი.

„ყოველ ჯერზე გაოცებული ვრჩები, რომ ეს შესანიშნავი ცხოველები საშუალებას მაძლევენ, მათთან ერთად გავატარო დრო, - ამბობს შენონი. - გადაიღო ასეთი ფოტოები და მუდმივად გრძნობდე კავშირს შენსა და წყალქვეშა არსებებს შორის, არის კიდეც ჩემი ცხოვრების აზრი.

უნდა აღინიშნოს, რომ ეს ახალგაზრდები მართლაც ულამაზეს კადრებს იღებენ! ზოგიერთი ინტერნეტმომხმარებელი კი მაინც ჯიუტად ამტკიცებს, რომ ეს ფოტოშოპის დამსახურებაა.

შენონის სიტყვებით კი, ეს რეალური ფოტოებია! უბრალოდ, „ადამიანები ვერ იჯერებენ იმას, რასაც საკუთარი თვალით ხედავენ“. ზედმეტად ლამაზია!

ზოგიერთ კი იმითაა შეშფოთებული, რომ შენონი პოტენციურად საშიშ არსებებს ძალიან უახლოვდება!

მაგრამ გოგონა ირწმუნება, რომ საშიში არაფერია; რომ მათ შორის განსაკუთრებული კავშირია.

როცა ამ ფოტოებს უყურებ, გიჩნდება შთაბეჭდილება, რომ ზღვის ბინადარნი მართლა ენდობიან შენონსა და გაბრიელს.

ისიც ცხადია, რომ გოგონა მათ გვერდით თავს ისე გრძნობს, „როგორც თევზი წყალში“. უპს, ის ხომ მართლაც წყალშია!

ნუთუ, ოკეანის ფსკერზე ყოფნა მართლაც ასე კომფორტულია.

და კიდევ რამდენიმე თვალწარმტაცი კადრი წყალქვეშა სამყაროდან!