საბედისწერო შემთხვევა, რომელმაც ჟურნალისტ ცოტნე გეგეჭკორის ცხოვრება შეცვალა

მოზაიკა

25 მაისი 18:00, 2017 წელი

„რამდენიმე თვე საწოლს ვიყავი მიჯაჭვული. პირველი ნაბიჯების გადადგმა ამ შემთხვევიდან მხოლოდ 6 თვის შემდეგ შევძელი. არავინ იცოდა, ამდენი მოტეხილობის შემდეგ ნორმალურად გავლას შევძლებდი თუ არა. არსებობდა საფრთხე, რომ ცხოვრების ჩვეულ რიტმს ვეღარ დავბრუნებოდი...“  - როგორ შეცვალა 26 წლის ჟურნალისტის ცხოვრება ერთმა შემთხვევამ და როგორ შეძლო თავისი საყვარელი საქმის გაგრძელება, ამის შესახებ „იმედის კვირის“ ჟურნალისტი ცოტნე გეგეჭკორი Funtime-თან საუბრობს.

ცოტნე გეგეჭკორი: ჩემი ჟურნალისტური კარიერა 8 წლის წინათ დაიწყო, როცა ტელეკომპანია „კავკასიაში“ სტაჟიორად მივედი. 5 თვეში უკვე შტატში ჩამსვეს. ვფიქრობ, რომ „კავკასია“ არის კადრების სამჭედლო, სადაც გამიმართლა და მოვხვდი. შემდეგ იყო სტუდია „ჯი ენ ეს“. ერთხანს „TV-3“-ის ჟურნალისტიც ვიყავი. როცა ავარიაში მოვყევი, მაშინ უკვე „მეცხრე არხზე“ საგამოძიებო პროექტებზე ვმუშაობდი, სადაც, სამწუხაროდ, სამიოდე რეპორტაჟის მომზადება მოვასწარი. აქტიური ცხოვრების თავიდან დაწყება წელიწად-ნახევრის შემდეგ შევძელი. იმ შემთხვევამ ჩემი ცხოვრება რადიკალურად შეცვალა. 


- რა მოხდა იმ დღეს?
- 2013 წლის 16 აპრილს, მეგობრებთან ერთად, სანაპიროზე ავარიაში მოვყევი. საკმაოდ მძიმე დაზიანებები მივიღე. მარცხენა მხარეს ორივე კიდურის მრავლობითი მოტეხილობა მქონდა. რამდენიმე თვე საავადმყოფოში გავატარე. საწოლს ვიყავი მიჯაჭვული. პირველი ნაბიჯების გადადგმა მხოლოდ 6 თვის შემდეგ შევძელი. ექიმმა რომ მითხრა, შეგიძლია გაიაროო, ის სიხარული ახლაც მახსოვს.


- ავარიის შემდეგ რა საფრთხე არსებობდა?
- არსებობდა საფრთხე, რომ ცხოვრების ჩვეულ რიტმს ვეღარ დავბრუნებოდი. არავინ იცოდა, ამდენი მოტეხილობის შემდეგ ნორმალურად გავლას შევძლებდი თუ არა. კითხვის ნიშნის ქვეშ იყო ისიც, მარცხენა ხელის მოხმარებას რამდენად მოვახერხებდი. წელიწად-ნახევრის განმავლობაში 7 ოპერაცია ჩავიტარე. ექიმების თქმით, დღეის მდგომარეობით რეაბილიტაციის 99 % გავლილი მაქვს. საბედნიეროდ, ახლა ისევ საყვარელ საქმიანობას ვეწევი და ტელეკომპანია „იმედზე“ „იმედის კვირის“ ჟურნალისტი ვარ.


- ეს მხოლოდ ექიმების დამსახურებაა?
- პირველ რიგში, ექიმების და შემდეგ ჩემი შემართების. ავარიის შემდეგ რისკისა და გამბედაობის უნარი შევიძინე. როცა ჯანმრთელობას დააფასებ, ხვდები, რომ სხვა რაღაცებზე ბევრი ფიქრის დრო აღარ გრჩება. ყოველი დღე ღვთის საჩუქარია და საკუთარი ცხოვრების განვითარებისთვის უნდა გამოვიყენოთ.


- სხვა რა შეცვალა ამ შემთხვევამ თქვენს ცხოვრებაში?
- ავარიამდე საკმაოდ ჭარბწონიანი ვიყავი და წოლითი რეჟიმის პერიოდში წონაში კიდევ უფრო მოვიმატე. 125 კილოგრამს ვიწონიდი. ავადმყოფობის შემდეგ, ფეხზე რომ წამოვდექი და სარკეში ჩავიხედე, დავინახე ადამიანი, რომელიც მე არ ვიყავი. ასე გაგრძელება აღარ შეიძლებოდა. მეორე დღესვე დიეტა და ვარჯიში დავიწყე. ექიმისგან ამის ნებართვა მქონდა, მაგრამ ვიცოდი, რომ სხეულს დიდი დატვირთვა არ უნდა მიეღო, რადგან ფეხში ჯერ კიდევ რკინის ფირფიტა მედგა. 3 თვეში მკაცრი დიეტისა და ვარჯიშის წყალობით 20 კილოგრამი დავიკელი. შემდეგ სწორ კვებას მივმართე. შემწვარსა და ცხიმიან პროდუქტზე უარი ვთქვი. საბოლოო ჯამში, 50 კილომდე დავიკელი. ჩემი გარდასახვა ყველას ძალიან უკვირდა. მაშინდელი და დღევანდელი ცოტნე ორი სხვადასხვა ადამიანია. ვერ ვიჯერებ, რომ სამი წლის წინანდელი ცოტნე მე ვიყავი.


- ალბათ, გოგონებთან დამოკიდებულებაც შეგეცვალათ...
- გოგოებს საყვარელი, პუტკუნა ცოტნე თუ მოსწონდათ, ახლა სიმპათიური, ათლეტური ბიჭი მოსწონთ. სანამ გავხდებოდი, გოგოებთან ურთიერთობის დიდი კომპლექსი მქონდა. ფართო მაისურებს ვიცვამდი, რომ ზედმეტი წონა დამეფარა. ახლა უფრო თავდაჯერებული ვარ, თუმცა ამ ეტაპზე ჩემი საყვარელი გოგოს ვაკანსია თავისუფალია.


 - როგორ გოგოს ისურვებდით გვერდით?
- მინდა გვერდით მყავდეს გოგო, რომელიც, გარდა სილამაზისა, ჩემსავით გაბედული, რისკიანი და ჩემი დიდი მეგობარი იქნება.


- ჟურნალისტობის გარდა, სხვას რას საქმიანობთ?
- უამრავ საქმეს ვარ მოდებული. საკუთარი ბიზნესის წამოწყებაც კი შევძელი, რომელსაც ნელ-ნელა ვაწყობ. გარდა ამისა, ვეხმარები ადამიანებს, რომლებიც ელექტრონული მუსიკის განვითარებას ცდილობენ და სხვადასხვა არტისტები ჩამოჰყავთ. მომავალი იურისტი, მეოთხე კურსის სტუდენტი გახლავართ. ჯერ კიდევ ვსწავლობ, რადგან ჯანმრთელობის პრობლემების გამო გარკვეული პერიოდი სწავლა შეჩერებული მქონდა.

ფოტოგრაფი: ალექსანდრე სხულუხია
დღის ჰოროსკოპი

21 დეკემბრის ასტროლოგიური პროგნოზი

რას გვირჩევენ ვარსკვლავები 21 დეკემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

20 დეკემბრის ასტროლოგიური პროგნოზი

რას გვირჩევენ ვარსკვლავები 20 დეკემბრისთვის  ჯანმრთელობის, ბიზნესის და სიყვარულის მიმართულებით?
დღის ჰოროსკოპი

19 დეკემბრის ასტროლოგიური პროგნოზი

რას გვირჩევენ ვარსკვლავები 19 დეკემბრისთვის  ჯანმრთელობის, ბიზნესის და სიყვარულის მიმართულებით?
დღის ჰოროსკოპი

18 დეკემბრის ასტროლოგიური პროგნოზი

რას გვირჩევენ ვარსკვლავები 18 დეკემბრისთვის ჯანმრთელობის, ბიზნესის და სიყვარულის მიმართულებით?
NEW

ფსიქოთერაპია სამედიცინო პერსონალისთვის - ის რაც Covid-19-თან ბრძოლისას ნიღაბზე არანაკლებ მნიშვნელოვანია

Covid-19-თან მებრძოლ სამედიცინო პერსონალს Responsible.ge ფსიქოთერაპიის კურსებს უფინანსებს
დღის ჰოროსკოპი

17 დეკემბრის ასტროლოგიური პროგნოზი

რას გვირჩევენ ვარსკვლავები 17 დეკემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

16 დეკემბრის ასტროლოგიური პროგნოზი

რას გვირჩევენ ვარსკვლავები 16 დეკემრითვის ჯანმრთელობის, ბიზნესის და სიყვარულის მიმართულებით?
NEW

მუზეუმების კონკურსი მთელი საქართველოს მასშტაბით

„საქართველოს დებატებისა და განათლების ინსტიტუტი“, საერთაშორისო პროექტის - დებატები მუზეუმებში - ფარგლებში, რომელიც მხარდაჭერილია „ვიზეგრადის” ფონდის მიერ, იწყებს კონკურსს მუზეუმებისთვის მთელი საქართველოს მასშტაბით.
დღის ჰოროსკოპი

15 დეკემბრის ასტროლოგიური პროგნოზი

რას გვირჩევენ ვარსკვლავები 15 დეკემბრისთვის ბიზნესის, ჯანმრთელობისა და სიყვარულის მიმართულებით?!  
NEW

სასარგებლო რჩევები, სანამ გამათბობელს ჩავრთავთ

ზოგი ადამიანი ფიქრობს, რომ რაც უფრო ცხელა სახლში, მით უფრო კარგად მუშაობს გათბობის სისტემა. თუმცა, როგორც ყველგან, აქაც ძალიან მნიშვნელოვანია, რომ პროფესიონალების რჩევები გავითვალისწინოთ და სახლში ტემპერატურა ისე დავარეგულიროთ, რომ პროცესმა ჩვენს ჯანმრთელობას საფრთხე არ შეუქმნას.
დღის ჰოროსკოპი

14 დეკემბრის ასტროლოგიური პროგნოზი

რას გვირჩევენ ვარსკვლავები 14 დეკემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

13 დეკემბრის ასტროლოგიური პროგნოზი

რას გვირჩევენ ვარსკვლავები 13 დეკემბრისთვის ჯანმრთელობის, ბიზნესის და სიყვარულის მიმართულებით?