გადაღების ადგილია ავეჯის სახლი „პანცილიონი“
კახა კუხიანიძე: „მალე ოცნების სახლს მოვიწყობ!“
ინტერიერი
„ერთი ბინა უკვე გავარემონტე, მეორეს მალე მივხედავ, სადაც ოცნების სახლს მოვიწყობ!“ - რუბრიკა „ინტერიერის“ პირველი სტუმარი მომღერალი კახა კუხიანიძე საყვარელ გარემოსა და ახალი ბინის მოწყობაზე საუბრობს.
ფოტოგრაფი: ალექსანდრე სხულუხია
-
სადაც ახლა ვცხოვრობ, ძალიან პატარა ბინაა, მაგრამ მეორე, რომელიც ერთი სართულით მაღლაა და ჯერ სარემონტოა, საკმაოდ დიდი ფართის გახლავთ. სამი საძინებელი თავისივე აბაზანებით, მისაღები და 20 კვ.მ ფართის ტერასა მექნება, სადაც შეზლონგებსაც დავდგამ და ზაფხულში კომფორტულადაც გავირუჯები.
-
მოვიწყობ ოცნების სახლს, სადაც შევძლებ, მთელი ცხოვრება გემრიელად ვიცხოვრო, მაგრამ ბინებზე ისეთი გართულება მაქვს, ალბათ, კიდევ შევიძენ!
-
სახლში მთავარი ინტერიერი, კომფორტული გარემო და ფერებია. თეთრი და ნაცრისფერი დეტალები, პასტელური ფერები მიყვარს. ოთახებში კედლებიც ბეტონის მაქვს და აბაზანაც.
-
იატაკზე განსაკუთრებული აქცენტი გავაკეთე. დაუდგენელი ფერია! ვინც შემოდის, ყველა განცვიფრებული ათვალიერებს!
-
სახლში რაც უფრო მეტი თავისუფალი სივრცეა, უფრო მეტ კომფორტს მიქმნის. კედელში ჩაშენებული ავეჯი მიყვარს, რადგან ამ შემთხვევაში სახლში მტვერი ნაკლებადაა.
-
-
სავარძელი აუცილებლად კუთხის უნდა იყოს, სადაც ფეხებს კომფორტულად გავშლი და ტელევიზორს ვუყურებ.
-
გარდერობს ბევრი სათავსი უნდა ჰქონდეს. იმდენი ტანისამოსი მაქვს, სადმე ხომ უნდა დავტიო? ამიტომ ჩემს გარდერობს, რომელსაც უკვე ვამზადებინებ, პერანგების საკიდი ორ რიგად ექნება.
-
არ მიყვარს, როცა ფეხსაცმელები სახლშია გაშლილი. ყველაფერს თავის ადგილს ვუჩენ. ამ საკითხშიც ზედმეტად მოწესრიგებული ვარ.
-
© ყველა უფლება დაცულია MELON
